Një video e presidentit amerikan Joe Biden e postuar në rrjetin social X (ish Twitter) duket se po çmend rrjetin. Në të shihet Biden duke vendosur në kokë një kapele me logon e fushatës “Trump 2024” gjatë një takimi me zjarrfikësit në Pensilvani.
Presidenti u sfidua nga të pranishmit të vendoste kapelen me logon e fushatës së kundërshtarit të tij politik si një gjest simbolik bashkimi në një kohë kur SHBA-të janë më të pëçara se kurrë politikisht.
Biden rikujtoi solidaritetin e amerikanëve pas ngjarjeve të 11 shtatorit dhe tha se vendi ka nevojë të rikthehet tek ai shpirt bashkimi. Për ta ilustruar këtë me një gjest simbolik, ai ka vendosur në kokë për pak sekonda kapelen me logon e fushatës së Trump.
Prsidenti 81-vjeçar, i cili u tërhoq nga gara për zgjedhje e ardhshme duke ia lënën hapësirën të lirë Zv.Presidentes së tij, Kamala Harris, e ka përshkruar vazhdimisht Trump-in si një rrezik ekzistencial për demokracinë amerikane.
Ndërkaq, video dhe foto nga momenti kur ai vendos kapelen me sloganin e Trump, është bërë menjëherë virale në rrjet.
Shtëpia e Bardhë reagoi dhe tha se Joe e vendosi kapelën si një gjest uniteti.
Ekipi i fushatës së Donald Trump ishte i shpejtë për të parë anën qesharake të këtij veprimi. “Faleminderit për mbështetjen, Joe!” një postim i lexuar me një foto të Bidenit me kapelën republikane, shkruan BBC.
j.l./ dita
