Presidenti amerikan, Donald Trump ka biseduar me homologun e tij rus, Vladimir Putin për progres për bisedimet në lidhje me ndalimin e luftës në Ukrainë.
Të paktën kështu u raportua nga mediat ndërkomëbtare. Zëvendësministri i Jashtëm i Rusisë tha se Moska nuk ka marrë ende asnjë propozim që e konsideron të kënaqshëm për fillimin e negociatave për t’i dhënë fund luftës në Ukrainë.
“Është e rëndësishme që fjalët të mbështeten nga masa praktike që marrin parasysh interesat legjitime të Rusisë, tregojnë një gatishmëri për të eliminuar shkaqet rrënjësore të krizës dhe për të njohur realitete të reja,” vuri në dukje Mikhail Galuzin në një intervistë të transmetuar nga agjencia shtetërore ruse e lajmeve RIA.
“Asnjë propozim solid i kësaj natyre nuk është marrë ende,” këmbënguli ai.
Mesazhe kontradiktore ose të vështira për t’u interpretuar nga Uashingtoni dhe Moska kanë ndjekur njëri-tjetrin kohët e fundit. Madje kohët e fundit ka pasur raporte për bisedime midis presidentëve Donald Trump dhe Vladimir Putin për t’i dhënë fund luftës. Trump në fundjavë siguroi se tashmë ka folur me Putin dhe pret që diskutimi të vazhdojë.
“Unë besoj se po bëjmë progres. Ne duam të ndalojmë luftën Ukrainë-Rusi”, këmbënguli ai.
Megjithatë, nga ana e tij, zëdhënësi i Kremlinit Dmitry Peskov i tha dje agjencisë shtetërore të lajmeve TASS se “shumë informacione të ndryshme” po shfaqen në lidhje me kontaktet midis presidentëve Trump dhe Putin dhe ai mund të mos jetë në dijeni të gjithçkaje, prandaj nuk mund të konfirmoj dhe as të mohoj se diçka ka përparuar.
j.l./ dita
