Pas vendosjes në pranga të 6 personave në kuadër të operacionit “Obelisku”, të arrestuarit janë dërguar në gjykatën e Vlorës.
Gjykata është blinduar nga forca të shumta policie, ndërsa gjyqtarja e kësaj çështjeje është Emirjana Dimo.
Sot pritet të merret vendimi për lënien në fuqi ose jo për arrest me burg për shtetasit Satilno Basho, Mariglen Aliaj, Bruno Shehu, Mehmet Hoxhaj, Beraldo Xhindi dhe Kevin Metaj.
Ata u vendosën në pranga dy ditë më parë si pjesëtarë të dyshuar të një grupi kriminal të rrezikshëm dhe që parandaluan ngjarje të mundshme kriminale kundër personit.
Gjatë operacionit, personat u gjendën të armatosur në një lokal, me 2 pistoleta të gatshme për qitje, ku dy prej tyre u kapën në flagrancë.
Në pranga ranë edhe 4 shtetas të tjerë, për moskallëzim të krimit, 3 prej të cilëve pjesë e grupit kriminal me 2 shtetasit e armatosur.
p.k\dita
