Katër persona, mes të cilëve dhe një grua, në fshatin Mezhgoran të Tepelenës, janë proceduar në gjendje të lirë pasi kanë bllokuar rrugën me gurë, si përpjekje për të moslejuar ndërtimin e një linje ujësjellësi.
Sipas policisë, këta persona, kanë kundërshtuar edhe urdhrin e policisë për hapjen e rrugës.
Policia bën me dije se: “S. Gj., 38 vjeç, E. Gj., 43 vjeç, G. C., 32 vjeç dhe D. Gj., 43 vjeçe, të katërt banues në fshatin Mezhgoran akuzohen për veprat penale “Mosbindja ndaj urdhrit të punonjësit të Policisë së rendit publik” dhe “Pengimi i qarkullimit të mjeteve të transporti Procedimi penal për këta persona ka nisur sepse duke vënë gurë, në rrugën në hyrje të fshatit Mezhgoran, për të mos lejuar ndërtimin e një linje të ujësjellësit në fshatrat Peshtan dhe Mezhgoran, kanë penguar qarkullimin e mjeteve në këtë rrugë. Gjithashtu, ata kanë kundërshtuar urdhrin e punonjësve të Policisë, për hapjen e rrugës“.
