Kylian Mbappé vazhdon të turbullojë botën e futbollit.
Sulmuesi parizian, i cili do të duhet të largohet nga klubi pas refuzimit për të rinovuar kontratën me Paris Saint-Germain, ka në tryezë një ofertë historike nga Arabia, që do ta bënte atë futbollistin më të paguar në histori.
SPORT në Spanjë publikoi lajmin bombastik se familja e talentit francez e ka pranuar ofertën e sheikëve të Al Hilal. Nëna e futbollistit është njëkohësisht agjentja e tij.
Telenovela hyn në javët e saj më vendimtare…
Lojtari mbetet i vendosur në pozicionin e tij për të përfunduar vitin e fundit të kontratës me PSG-në, megjithëse skuadra pariziane nuk e mendon këtë opsion pa një zgjatje paraprake të marrëdhënies së tij me klubin.
Refuzimi i lojtarit për të vazhduar kontratën do të thotë se ai do të largohet nga skuadra këtë verë.
Skuadrat më të mira në botë kanë përfituar nga situata për të vlerësuar nënshkrimin e mundshëm të lojtarit në një operacion që do të arrinte shifra rekord.
Një nga ofertat që ka befasuar më shumë ditët e fundit ka qenë ajo e Al Hilalit arab, i cili po përgatit një propozim historik për sulmuesin parisien.
