Bashkimi Evropian po përgatit paketën e 19-të të sanksioneve kundër Rusisë , duke dërguar një delegacion në Uashington me qëllim gjetjen e një zgjidhjeje të përbashkët me SHBA-në. Njoftimi u bë nga Presidenti i Këshillit Evropian, Antonio Costa, nga Uzhhorod, pas takimit të tij me Volodymyr Zelensky.
“Po punojmë me Shtetet e Bashkuara dhe partnerë të tjerë me të njëjtat ide për të rritur presionin përmes sanksioneve të reja të drejtpërdrejta dhe dytësore”, tha Costa, duke shtuar se një delegacion evropian do të udhëtojë së shpejti në Uashington. Megjithatë, ai nuk i zbuloi anëtarët e ekipit, raporton Politico.
Presidentja e Komisionit Ursula von der Leyen ka njoftuar tashmë se paketa e re do të paraqitet në fillim të shtatorit, me qëllimin kryesor për të sjellë Moskën në tryezën e negociatave. Në të njëjtën kohë, Ukraina dhe aleatët e saj po i bëjnë thirrje SHBA-së të marrë masa edhe më të ashpra.
Pavarësisht paralajmërimit të Donald Trump ndaj Rusisë për “sanksione masive ose tarifa të mëdha”, SHBA-ja ende nuk ka ndërmarrë ndonjë hap të mëtejshëm, përtej vendosjes së një tarife prej 50% ndaj Indisë për blerjen e naftës ruse.
j.l./ dita
