Kryeministri britanik Rishi Sunak ka dhënë detaje për çështjet e tij tatimore ku për vitin financiar 2021-2022 raportohet për të ardhura më shumë se 1.9 milion £. Në përmbledhjen financiare të bërë publike nga kryeministri britanik, mësohet se ai ka paguar taksa vjetore 432,493 £.
Të ardhurat e tij përfshijnë 1.6 milion £ në fitime kapitale nga një fond investimi me bazë në SHBA dhe gati 330,000 £ nga interesat e kursimeve dhe dividentët. Ai gjithashtu rendit pagën e tij nga roli i tij si deputet dhe kryeministër si 156,163 £.
Udhëheqësi konservator është zotuar për herë të parë të publikojë deklaratat e tij tatimore në verën e vitit 2022. Megjithatë, javët e fundit ai është përballur me kritika për vonesën në publikimin e detajeve.[ Vitin e kaluar, Sunak u bë politikani i parë i vijës së parë, që u shfaq në Listën e të Pasurve të Sunday Times së bashku me gruan e tij, Aksatha Murthy, me një vlerë neto prej 730 milion £.
m.b./dita
