Shenjat, apo ngjyrat e ndryshme të thonjve, mund të jenë një paralajmërues për problemet shëndetësore me të cilat është duke u përballur trupi ynë. Nëpërmjet këtyre shenjave mund të kuptojmë se për çfarë ka nevojë trupi ynë, si dhe kur duhet që të kërkojmë një konsultë më të specializuar mjekësore.
Ja cilat janë disa nga shenjat më të zakonshme dhe domethëniet e tyre:
Thonjtë e bardhë
Shtretërit e thonjve të bardhë, shfaqen kur ka një rritje të tepërt të indit lidhës në shtratin e thonjve. Thonjtë e bardhë mund të ndodhin si pjesë e procesit të plakjes, por ato gjithashtu mund të jenë një shenjë e problemeve të mëlçisë, duke përfshirë cirrozën.
Thonjtë e verdhë
Nëse thonjtë tuaj kanë marrë një ngjyrë të verdhë të sëmurë, mund të jetë një shenjë e një infeksioni mykotik, të cilin mund ta marrësh nga objekte të pastruara jo mjaftueshëm në një sallon bukurie ose nga përdorimi i prerësve të thonjve me të tjerët.
Thonjtë me ngjyrë blu
Nëse thonjtë tuaj kanë marrë një nuancë kaltër, ndonjëherë do të thotë që trupi juaj nuk po jep oksigjen të mjaftueshëm. Kjo mund të jetë rezultat i problemeve të mushkërive, të tilla si astma, emfizema ose pneumonia. Sugjerohet një kontroll me mjekun nëse lëkura ka marrë një nuancë të purpurt-blu nën shtratin e thonjve.
Thonjtë me vrima
“Grupimi” i thonjve, në të cilin thonjtë zhvillojnë një strukturë me gunga dhe valëzim, është një simptomë e zakonshme e psoriasis, një sëmundje inflamatore e lëkurës që prek shumë njerëz. Kontrolloni me një dermatolog nëse thonjtë tuaj duket se janë të gërvishtur.
Thonjtë e çarë
Kur tiroidja juaj ngadalësohet, bie imuniteti i trupit. Kjo do të thotë që thonjtë do të rriten më ngadalë dhe kjo mund të çojë në brishtësi të tyre. Një tiroide joaktive do të ulë gjithashtu sasinë e djersës që prodhon trupi, duke përkeqësuar problemin e tharjes së thonjve për njerëzit me sëmundje të tiroides.
Fryrja rreth thonjve
Lupusi është një sëmundje në të cilën sistemi imunitar sulmon trupin tuaj. Shumica e njerëzve me lupus eritematoz sistemik kanë simptoma të lëkurës, të cilat shpesh manifestohen si një skuqje e veçantë në formë “fluture” në fytyrë, por gjithashtu zakonisht shfaqen në lëkurën e kuqe dhe të përflakur rreth thonjve.
Vijat e errëta poshtë thonjve
Melanoma është një formë e rrezikshme e kancerit të lëkurës që shpesh shfaqet në njolla të ngjashme me nishanin në lëkurë, por ka një shenjë tjetër që njerëzit ndonjëherë e humbasin. Melanoma mund të shfaqet në formën e vijave të zeza poshtë thonjve. Nëse e vëreni këtë në thonjtë tuaj, kontrollojeni atë nga një mjek sa më shpejt të jetë e mundur.
p.k\dita
