Shorti i Champions League 2026/27, i hedhur këtë të enjte në Monako, ka rezervuar përballje spektakolare që në fazën e ligës.
Kampionët në fuqi, PSG, do të presin Barcelonën në shtëpi, ndërsa do të udhëtojnë në Angli për t’u përballur me Manchester City-n dhe Aston Villa-n.
Barcelona do të presë Manchester City-n, ndërsa do të luajë në transfertë ndaj PSG-së. Real Madrid do të përballet në shtëpi me Interin dhe do të udhëtojë në Londër për sfidën ndaj Arsenalit.
“Topçinjtë” do të presin Real Madridin dhe Dortmundin, ndërsa do të luajnë në transfertë ndaj Bayern Munichut. Kampionët gjermanë, nga ana tjetër, do të përballen në transfertë me Atletico Madridin dhe Manchester United.
Interi do të presë Liverpoolin në shtëpi, ndërsa do të udhëtojë në Madrid për t’u përballur me Realin dhe në Dortmund.
Champions League 2026/27 nis më 8 shtator, ndërsa finalja do të zhvillohet më 5 qershor 2027 në Madrid.
