E mërkura e raundit të katërt të Champions League dhuroi surpriza të mëdha.
GRUPI A
Përmbysje dhe fitore në pjesën e dytë për Liverpool që fitoi 7-1 në fushën e Rangers. Skocezët kaluan në avantazh me Arfield në minutën e 17-të. Të kuqtë reaguan menjëherë dhe gjetën barazim me Firminon. Pjesa e dytë është me ngjyrat angleze: Firmino realizon në minutën e 55-të, Nunez shënoi të tretin në minutën e 66-të, ndërsa pokeri erdhi nga Salah në minutën e 76′ i cili shënon një hat-trick personal në minutat 80 dhe 81. Në finale mbërrin edhe goli i shtatë i Elliot, duke mbyllur ndeshjen.
GRUPI B
Brugge ndal Atletico Madrid në 0-0 dhe mbetet në krye në Grupin B me një këmbë tashmë në fazat e mëvonshme të Champions League. Në ndeshjen tjetër të grupit, Porto ka mundur 3-0 Bayer Leverkusen.
GRUPI C
Edhe një herë Bayern Munich fiton 4-2 ndaj Viktoria Plzen. Pas katër ndeshjesh, gjermanët e Nagelsmann kryesojnë me pikë të plota në grupin e Interit. Bavarezët pas vetëm 10 minutash gjetën avantazhin me Mane, Muller dyfishoi katër minuta më vonë, ndërsa Goretzka shënoi të tretin. Në fillim të pjesës së dytë, Viktoria Plzen shënoi golin 4-1 me Vlkanova në minutën e 62-të.
GRUPI D
Në grupin D, Tottenham i Conte-s fiton 3-2 me Eintrachtin dhe kalon në krye të tabelës me shtatë pikë. Gjermanët kaluan në avantazh me Kamadën në minutën e 14-të. Tottenham kaloi në epërsi në minutën e 28-të me Kane nga një penallti dhe më pas shënoi Son. Në finale, Kane humb një penallti, por Conte mund të gëzohet për fitoren. Në ndeshjen tjetër, Marseille mposhti Sporting me rezultatin 2-0.
Francezët shfrytëzuan epërsinë numerike për përjashtimin e Esgaio në të 19-ën dhe menjëherë e drejtuan lojën në favor të tyre: Guenndouzi hapi rezultatin në të 20-ën, ndërsa ekipi francez dyfishoi me Sanchez në minutën e 30′.
j.l./ dita