Pas vlerësimit të treguesve mbi ecurinë e zhvillimit të procesit mësimor përgjatë vitit 2022-2023 në arsimin e detyryar 9-vjeçar, ndër shkollat më të mira në kryeqytet rezulton të jetë “Misto Mame”, ndjekur nga shkolla “Fan S Noli” për të vijuar me “Vasil Shanto”.
Nga vlerësimi në total i 107 shkollave të arsimit të detyruar, ndër më të dobëtat sa i takon këtyre treguesve rezulton të jetë shkolla “Ymer Lala”. Klasifikimin e plotë të shkollave me vlerësimet e marra për secilin tregues e gjeni në vijim të shkrimit.
Autoritetet e arsimit bëjnë me dije se vlerësimi është bazuar në këto tregues: Përqindja e nxënësve të larguar nga shkolla, kundrejt nxënësve të regjistruar në fillim të vitit shkollor, përqindja e orëve të munguara nga nxënësit, përqindja e nxënësve kalues në provimet kombëtare të arsimit bazë, nota mesatare e shkollës në provimet kombëtare, diferenca ndërmjet notës mesatare të shkollës në provimin e gjuhës së huaj, gjuhës shqipe dhe matematikës, me notën mesatare të këtyre lëndëve në klasë të 9-të.
Tregues të tjerë janë: përqindja e nxënësve që e kanë diferencën (në vlerë absolute) më të madhe se 1 notë, pikët mesatare të nxënësve në vlerësimin e arritjeve të nxënësve në arsimin fillor, përqindja e nxënësve të arsimit të mesëm të ulët që vijojnë arsimin e mesëm të lartë, realizimi i objektivave të planit vjetor të shkollës, numri i fituesve të shkollës në konkurrimin, (olimpiadat, konkurse, aktivitete) që shpall ministria përgjegjëse e Arsimit, numri i fituesve të shkollës në konkurse, aktivitete që shpallin ZVAP-të, rezultatet e mësuesve të shkollës në provimet e kualifikimit gjatë 4 viteve të fundit shkollore, si dhe pyetsorët e realizuar me mësuesit, nxënësit dhe prindërit.
RENDITJA E 107 SHKOLLAVE TË ARSIMIT 9 VJEÇAR SIPAS CILËSISË (KARTA E PERFORMANCËS 2023)
p.k\dita
