Ka një biletë fituese për xhekpotin e vlerësuar të së mërkurës mbrëma, prej 1.08 miliardë dollarësh në Powerball, – thanë zyrtarët e lotarisë. Një rekord absolut!
Bileta është blerë në minimarketin Las Palmitas, në qendër të Los Anxhelosit, – raporton CBS News Los Angeles.
Numrat fitues ishin 7, 10, 11, 13 dhe 24, me një Powerball 24.
Mbajtësi, ose mbajtësit e biletës do të zgjedhin ose një pagesë të menjëhershme prej 558.1 milionë dollarë, ose një pension vjetor deri në përmbushjen e shumës 1.08 miliardë dollarë.
Të dyja shifrat janë para taksave.
Shitjet e biletave e shtynë jackpot-in përtej vlerësimit të mëparshëm prej 1 miliard dollarësh. Shorti kishte më shumë se 4.8 milionë bileta fituese në përgjithësi dhe çmime të të nivelit më të ulët me vlerë të përgjithshme 85.1 milionë dollarë.
Hera e dytë në tetë muaj që një biletë Powerball prej 1 miliard dollarësh u shit në Los Angeles County, – thekson CBS News Los Angeles.
Në nëntor, një burrë me fat në Qendrën e Shërbimit Joe në Altadena hamendësoi saktë numrat që shoqëronin jackpot-in e rekordit botëror Powerball prej 2.04 miliardë dollarësh.
Çmimi i madh prej 1.08 miliardë dollarësh është i treti më i madh në historinë e lojës që nga fillimi i saj në 1992.
Në vitin 2016, çmimi i dytë më i madh i lojës prej 1.586 miliardë dollarësh u nda mes fituesve në Kaliforni, Florida dhe Tenesi.
Në fillim të këtij viti, një biletë e shitur në shtetin e Uashingtonit fitoi një xhekpot prej 754.6 milionë dollarësh, i gjashti më i madh i lojës.
Shanset për të fituar xhekpotin e Powerball janë 1 në 292.2 milionë.
Biletat e Powerball kushtojnë 2 dollarë secila dhe shiten në 45 shtete, District of Columbia, Puerto Rico dhe Ishujt Virgin të SHBA.
