Megjithë rritjen e bilancit tragjik, nuk mungojnë dhe lajmet e mira nga zonat e prekura nga tërmetet në Turqi e Siri më 6 shkurt, që më shumë u ngjajnë mrekullive.
Një e tillë ka qenë dhe ngjarja në Gaziantep ku sipas videos së publikuar nga CNN, shihet se si ekipet e shpëtimit kanë shpëtuar një baba të quajtur Sezei Karabas dhe vajzën e tij të vogël, 132 orë pas tërmetit.
Në video, babai i vajzës dëgjohet duke iu lutur ekipit të kërkim-shpëtimit që të gjejnë gruan e tij, për të cilën beson se është ende gjallë dhe e bllokuar në një derë.
“Unë jam përgjithmonë borxhli ndaj jush”, dëgjohet duke thënë Karabs teksa ju lutet atyre që të ndihmojnë për të gjetur gruan e tij, për të cilën tha se vrapoi përpara tij momentin e goditjes së tërmetit.
Në të njëjtën orë, por në provincën e Hatay, një ekip shpëtimtarësh nxorën gjallë nga rrënojat një 34-vjeçar, Ergin Guzeldogan.
m.b./dita
