E pabesueshme ajo që raportohet nga “The Times”. Cristiano Ronaldo padiskutim po përjeton momentet më të këqija në karrierën e tij futbollistike.
Sulmuesi portugez kërkon dëshpërimisht të largohet nga “Old Trafford” pasi tashmë për teknikun Erik ten Hag nuk është as një zgjedhje për formacionin bazë, teksa ndeshjet e fundit me Manchester United i ka nisur nga stoli.
Por përveç kësaj shumë skuadra janë raportuar se kanë refuzuar transferimin e CR7, pasi nuk mbulojnë dot kërkesat financiare të ish-yllit të Real Madrid.
Si një “rrufe në qiell” të hapur ka ardhur edhe refuzimi nga ish-klubi i portugezit. Bëhet fjalë për Sportingun e Lisbonës, ku trajneri aktual i skuadrës portugeze, Ruben Amorim ka dal menjëherë kundër një rikthimi të mundshëm të 37-vjeçarit dhe ka kërcënuar klubin se, nëse do të dërgohej një ofertë drejt sulmuesit veteran, ai do të jepte dorëheqjen.
Top Albania Radio shkruan se prej kohësh tashmë e ardhmja e Ronaldos është pezull, teksa vetëm dy ditë kanë mbetur që nga mbyllja zyrtare e merkatës dhe mbetet të presim për të mësuar se çfarë do të sjellin 48 orët e fundit për CR7-tën.
Rikujtojmë, se gjatë miqësores së fundit me Rayo Vallecano, në të cilën luajti vetëm në pjesën e parë, Ronaldo u largua nga stadiumi pas pushimit të ndeshjes, pa pritur fundin. Një veprim që irritoi së tepërmi trajnerin Erik ten Hag. “Ishte një sjellje e papranueshme”-komentoi tekniku.
o.j/dita
Eshte nje situate keqardhese e nje ylli te madh te futbollit. Nuk duhet te binte ne kete nivel dhe as duhet ti lutet asnje ekipi apo personi pasi po ul reputacionin e tij. Ten Hag, po hakmerret ndaj tij, dhe do ta shohe nr gjunje. Nuk ka asnje kuptim te rrije me tej tek MU. Ronaldo duhet te beje nje nga keto zgjedhje:
1. Te luaj pa asnje leke per nje ekip, gje qe eshte e veshtire per preferencat e tij.
2. Ta lere futbollin dhe te largohet qe neser me koken larte dhe pa ju nenshtruar askujt. Ai vlen me teper dhe ka dhene me teper per futbollin boteror se sa Ten Hag, Ten Hag nuk e njeh njeri.
Korr ate qe mbjell…ne jete dhe kudo…
Sportist i madh, po narcisist.
– Pas meje le te shembet gjithshka….
Futbolli eshte loje kolektive. U be futbollisti me i mire ne bote duke qenduar per shume kohe mbi shpatullat e bashkelojtareve te ekipit…sidomos tek Reali, Ishte nje ekip i tere qe luante per Ronaldon…Ne shume e shume raste eshte treguar i papjekur dhe mosmirnjohes.
Ikja nga stadiumi, pa mbaruar ndeshja eshte shume domethenes…