Ministri i Punëve të Jashtme të Serbisë, Ivica Daçiç vlerëson se marrëdhëniet mes Serbisë dhe SHBA-së janë në rritje.
Megjithatë, Daçiç nënvizoi se nuk do të ketë ndryshim në qëndrimet kyçe të lidershipit serb në lidhje me njohjen e Kosovës dhe vendosjen e sanksioneve kundër Federatës Ruse, shkruan Euronews Serbia.
Duke folur për hyrjen e Kosovës në organizatat ndërkombëtare, kryediplomati serb u shpreh se Prishtina në thelb nuk i ka kushtet për të hyrë në Këshillin e Evropës, por ka shumicën e nevojshme për këtë, prandaj Serbia nuk ka mundësi ta pengojë.
“Ne nuk mund ta pengojmë hyrjen në Këshillin e Evropës nëse ata kanë shumicën. Pyetja këtu është nëse ata e duan atë”, deklaroi Daçiç.
Ai po ashtu ka bërë të ditur se nëse tentohet që të pranohet Kosova në Këshillin e Evropës, Serbia nuk do të marrë pjesë në të.
j.l./ dita
