Kryeministri i Kosovës, Albin Kurt i, i pyetur gjatë një interviste televizive për deklaratën e të dërguarit special të SHBA për Ballkanin Perëndimor, Gabriel Escobar, lidhur me Asociacionin e komunave me shumicë serbe, u shpreh se kushtet që ai ka kërkuar të plotësohen nuk janë mendimet e tij personale.
Escobari një ditë më parë një intervistë për “The Pavlovic Today”, ka thënë se Asociacioni është detyrim ligjor dhe se nuk është marrëveshje mes Kurtit dhe Serbisë.
Për këtë deklaratë, Kurti u shpreh se vullneti i popullit në Kosovë, Kushtetuta dhe ligjshmëria janë ato që e shtyjnë të kërkojë njohje reciproke dhe vetëm atëherë çfarëdo lloji të Asociacionit.
“Qartësisht, Escobari është aktiv dhe shumë i përfshirë si dhe unë e mirëpres atë. E kam takuar disa herë. Ne duhet të jemi të kujdesshëm dhe të drejtë. Çfarë unë jam duke i theksuar si principe dhe kushte për çfarëdo asociacioni, nuk janë qëndrimet e mia arbitrare ose mendime personale”, tha kryeministri Kurti.
Më tej ai shtoi se Serbia dëshiron të ketë një tjetër Republika Sërspka, sikur ajo në Bosnjë.
m.b./dita
