Aksidenti në të cilin humbi jetën dy ditë më parë 26-vjeçarja shqiptare, Anila Grishaj në kompaninë ushqimore Bocòn në Pieve di Soligo, mund të jetë shkaktuar nga gabim njerëzor.
Sipas burimeve hetimore, mekanizmi që shkaktoi tragjedinë është aktivizuar pa dashje nga një koleg i viktimës, shkruajnë mediat italiane.
Familjarët e viktimës kanë përjetuar troditje nga kjo ngjarje. Ka qenë kryebashkiaku i Pieve di Soligo, Stefano Soldan, ai që iu desh t’u konfirmonte lajmin e tmerrshëm.
Lajmi për vdekjen e 26- vjeçares arriti në media para se të arrinte vetë familjarët, duke i detyruar ata të përballeshin me dramën publikisht para se ta mësonin privatisht.
Heshtja që mbuloi sheshin ku u mblodhën ishte preludi i një mbrëmjeje zie dhe dëshpërimi.
Motra e viktimës kërkoi respekt për dhimbjen e familjes, një dhimbje që shtrihej përtej shtëpisë.
j.l./ dita
