Ka nisur me tensione protesta e tetë e organizuar nga Aleanca për Mbrojtjen e Teatrit me Rithemelimin dhe PL para bashkisë së Tiranës. Protestuesit që ndonëse numërohen me gishtat e dorës kanë hedhur tymuese dhe disa molotovë drejt godinës së Bashkisë.
Si çdo javë godina e bashkisë është blinduar nga forcat e policisë.
Për protestën e shtatë të javës së kaluar para bashkisë, Policia e Tiranës nisi hetimet në gjendje të lirë ndaj 12 personave për episode e dhune. Si përfaqësuesja zyrtare e marrjes së lejes në polici për protestën, Adriana Kalaja e Aleancës për Mbrojtjen e Teatrit akuzohet nga policia për veprën penale “thirrje publike për veprime të dhunshme” Sali Lushaj, ish-truproja i Sali Berishës, Tedi Blushi i Partisë së Lirisë, Klevis Balliu i Rithemelimit dhe Besart Xhaferri kreu i FRPD, do të hetohen për veprat penale “prishje e qetësisë publike” dhe “shkatërrim i pronës”.
Të gjitha protestat për dorëheqjen e kryebashkiakut Erion Veliaj kanë përshkallëzuar në dhunë e disa protestues janë arrestuar për hedhjen e bombave molotov duke rrezikuar jetën e efektivëve të policisë, por më tej janë liruar nga gjykata. Siç e kanë trumbetuar nëpër fjalime dhe me pankartat që i kanë shoqëruar nëpër protestat e kaluara, një nga qëllimet e kësaj proteste është për lirimin e Sali Berishës.
j.l./ dita
Te gjitha keto protestat jane artificiale dhe te inskenuara e manaxhuara nga vete Bashkia e Qeveria, ne bashkepunim dhe koordinim te plote, me ndyresirat e tjera te Politikes, te cilet bejne gjoja ” Opoziten “. Duke ju dhene dhe nje audience te madhe nga Mediat e shitura e te ” Pavarura “.
Protestat jane element i demokracise.50 mitingashe nuk bejne proteste demokratike me molotov.