Digjet makina e drejtoreshës së Tatimeve në Vlorë, momenti kur autori i vë flakën

Një makinë është djegur gjatë natës në qytetin e Vlorës. Ngjarja ka ndodhur në zonën e plazhit të vjetër të qytetit.

Automjeti është në pronësi të Muamet Çotës, por përdoret nga drejtoresha e Tatim-Taksave në bashkinë e Vlorës, Anjeza Shiko.

Ndërkohë janë shoqëruar disa persona në Polici lidhur me ngjarjen.

Tch ka publikuar pamjet e kamerave të sigurisë të cilat kanë kapur momentin kur një person hedh benzinë në makinën tip “Volkswagen” të parkuar në garazh.

Njoftimi i Policisë:

Mbrëmjen e djeshme, në lagjen “1 Maji”, Vlorë, ka rënë zjarr dhe është djegur një automjet tip “Volkswagen”, në pronësi të shtetases A. Sh., banuese në Vlorë (funksionare e bashkisë Vlorë).

Shërbimet e Policisë kanë shoqëruar në Komisariat, disa shtetas të dyshuar lidhur me ngjarjen. Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit.

j.l./ dita