Policia e Shkodrës po heton pistën e hetimit për shkak të detyrës, për shpërthimin e ndodhur në banesën e gjyqtarit të gjykatës së Shkodrës, Tonin Stërkaj.
Gjatë dëshmisë së tij, Sterkaj ka thënë se ka qenë me bashkëshorten në banesë kur ka dëgjuar shpërthimin.
Ka dalë në ballkon, por pa e ditur se tritoli ishte vendosur në derën e tij.
Ka qenë komshia që e ka njoftuar dhe më pas ka kuptuar se eksplozivi ishte vendosur në banesën e tij.
“Nuk kam dijeni se kush e ka bërë, unë jam gjyqtar dhe kam çështje penale çdo ditë në gjykim”, mësohet të ketë thënë ai.
Tonin Sterkaj ushtron prej shumë vitesh detyrën e gjyqtarit në gjykatën e shkallës së parë në Shkodër ndërsa për një periudhë dy vjeçare ka punuar edhe si gjyqtar në gjykatën e Apelit të Shkodrës.
Më pas u kthye si gjyqtar në Gjykatën e Shkalles se Parë të Juridiksionit të Përgjithshëm Shkodër.
Mësohet se tre persona janë shoqëruar që dyshohet se mund të kenë dijeni.
j.l./ dita
Nuk pajtohem me vendosjen e tritolit ne banesen e askujt, por ka shume mundesi ta kete vendosur vete pasi eshte ne prag te vetingut dhe kerkon t’iu thote se ” ja cfare me ben mua bota e krimit…”. Ne fakt, ne Shkoder, Tonin Sterkaj njihet si nje gjyqtar krejt i paafte dhe tmerresisht i korruptuar, prandaj kjo afere duhet hetuar mire pasi njerez te tille si Sterkaj jane turpi i drejtesise shqiptare.