Kryeministri britanik Rishi Sunak kërkon të kalojë një draft që i jep policisë kompetenca më të mëdha për të bllokuar protestat publike.
Downing Street shpërndau të hënën një komunikatë për shtyp, ku njoftonte amendimin e ligjit për rendin publik, të miratuar nga ligjvënësit tetorin e kaluar.
Drafti synon zgjerimin e përkufizimit të termit “dëmtimi serioz” të rendit dhe i lejon policisë të ndërhyjë ndaj protestave përpara se të shpërthejë kaosi.
Ndryshime të tilla do të zgjerojnë ligjin aktual, që përforcon pozitën e forcave të sigurisë dhe e bën të paligjshme për njerëzit të lidhen zinxhir përreth godinave.
Kryeministri Sunak ka mbrojtur amendamentin duke deklaruar se e drejta për protestë nuk është absolute, edhe pse ka pranuar se ajo mbetet një parim themelor i demokracisë.
“Ne nuk mund të lejojmë protesta që mbahen nga një minoritet i vogël, i cili cënon jetët e njerëzve dhe rendin publik. Kjo është e papranueshme dhe ne do t’i japim fund”, ka deklaruar Sunak.
Propozimet e tij vijnë në një kohë kur një seri grevash dhe protestash kanë përfshirë qytete të ndryshme britanike, sidomos Londrën, situatë që është etiketuar si “dimri i pakënaqësisë”.
Kritikët e kanë denoncuar amendamentin duke thënë se po i hidhet benzinë zjarrit dhe se ekzagjeron kompetencat e policisë.
o.j/dita
1.
Çdo gjë që dëshëron të bësh ka një kufi,
Dhe për sa kohë nuk e ke kaluar kufirin ballanca ruhet.
Ndërsa disa ndjehen me mire, te tjerë kanë një farë pakënaqëie.
Kur kufiri kalohet, pakënaqësia shtohet shpejt, ballanca prishet,
Pra ne global sitata ështe më keq se para fillimit të ndryshimeve.
2.
Kur ekujlibret e “maredhenive njerezore” dalin jashtë loje,
Në tërësi populli dëmtohet,
Humbjet e shumices, I tejkalojne perftimet e pakices,
Dhe Protesta, në tentativë për zgjidhjen e nje problemi,
Prodhon efekte anesore mjaft negative, te pa pranushme.
Po ne Indi , si behen protestat, ,