Kosova mbetet e përkushtuar për paqe, dialog dhe partneritet por ka nevojë për më shumë bashkëpunim politik me SHBA. Kështu u shpreh presidentja Vjosa Osmani, gjatë një takimi me zëvendës këshilltarin për Siguri Kombëtare të SHBA, Jon Finer.
Sipas një njoftimi, Osmani i tha zyrtarit amerikan se heqja e masave të BE ndaj Kosovës do të mundësojë rifillimin e dialogut, ndërsa e cilësoi përcaktues rolin e SHBA.
Presidentja bëri gjithashtu të ditur se vendi ka ndërmarrë hapa për shtensionimin e situatës në veri dhe se është i përkushtuar të punojë me aleatët, veçanërisht Uashingtonin, për të adresuar sfidat e sigurisë”.
