Nuk është meme, është realitet! Pamjet e mëposhtme tregojnë qytetarët francezë që po shijojnë vaktin e tyre në një restorant, ndërkohë që jashtë vendit (pamjet janë xhiruar në Lyon) i është vënë flaka nga protestat.
Protestat vazhdojnë kundër Macron, i cili kaloi një ligj që rrit moshën e pensionit nga 62 në 64 vjeç. Të enjten e kaluar, Macron thirri nenin 49.3 të Kushtetutës franceze, duke anashkaluar një votim në Asamblenë Kombëtare për miratimin e ligjit, ashtu siç ndodh zakonisht. Kjo rezultoi në ngritjen e dy mocioneve të mosbesimit për qeverinë, por kishte 9 më pak se shumica e nevojshme për ta rrëzuar Macron nga pushteti.
Që atëherë, çdo natë protestuesit kanë dalë në rrugë duke sjellë mijëra të arrestuar. Turma deri më tani duket e pakontrollueshme, madje arrijnë deri aty sa bëjnë thirrje ekstreme.
“Ia premë kokën Louis të 16-të, ndaj Macron, ne mund ta bëjmë përsëri,”- bërtisnin të rinjtë në Paris, Tuluzë dhe Lille.
Por mesa duket jo të gjithë janë të këtij mendimi…disa duan të shijojnë një vakt të mirë në restorant.
