Shtetet e Bashkuara i kanë tejkaluar 100 të shtëna masive me armë që nga fillimi i vitit 2023, sipas të dhënave nga Arkivi i Dhunës me Armë, i cili përkufizon të shtënat masive, për ato me të paktën katër persona të prekur, duke përjashtuar ata që hapën zjarr.
Sipas të dhënave, të paktën 7,537 persona kanë vdekur si pasojë e dhunës me armë që nga fillimi i vitit.
13 persona u plagosën dhe tre u vranë në katër të shtëna masive të dielën në Lake City, Florida; Capitol Heights, Maryland; Shreveport, Luiziana; dhe Bolingbrook, Illinois-tre personat që vdiqën u vranë të gjithë në një shtëpi jashtë Çikagos, ku një i dyshuar është në paraburgim.
Të shtënat masive këtë vit shkaktuan 149 persona të vdekur dhe afro 400 të plagosur, sipas GVA, e cila filloi gjurmimin e të dhënave të të shtënave në vitin 2013.
Në këtë periudhë të vitit të kaluar, janë regjistruar 69 të shtëna masive me 89 të vdekur, ndërsa në këtë kohë në vitin 2021, janë regjistruar 75 të shtëna masive dhe 78 të vdekur.
Tre të shtënat masive më vdekjeprurëse deri më tani këtë vit u shënuan të gjitha në janar, duke shkaktuar 12 viktima dhe një tjetër po atë javë në të cilën një i armatosur 66-vjeçar vrau 7 persona.
Më parë në janar, tetë anëtarë të një familjeje u vranë në Cedar City, Utah, ndërsa tre persona të tjerë u vranë dhe katër u plagosën një javë më vonë në një lagje të pasur në veri të Beverly Hills, Kaliforni, dhe tre të tjerë u vranë nga një person i armatosur në Universitetin Shtetëror të Miçiganit muajin e kaluar.
j.l./ dita
