Ndahet nga jeta në moshën 75-vjeçare aktori i mirënjohur, Mirush Kabashi.
Lajmin e kanë bërë të ditur familjarët e tij, të cilët nëpërmjet një njoftimi bëjnë me dije se Kabashi ka mbyllur sytë mesnatën e sotme.
“Të nderuar Miq, Kolegë dhe Dashamirës, me pikëllim të thellë ju njoftojmë se MIRUSH KABASHI ndërroj jetë të Martën, në datë 5 Dhjetor pas mesnate. Përsa i përket detajeve të ditës, orës së varrimit dhe homazheve do ju komunikojmë në orët në vazhdim. Me Respekt, Familja Kabashi!”, thuhet në njoftim.
Mirush Kabashi lindi më 17 prill 1948 në Shkodër dhe është rritur në Durrës. Origjina e tij është nga Gjakova. Ai është aktor i rreth 100 roleve, në teatër dhe filma. Shpesh ka qenë edhe prezantues i aktiviteteve të shumta artistike. Gjithashtu, Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare.
E ndërsa një pjesë të jetës së tij ia ka kushtuar edhe teatrit me rolet e tij të larmishme, ku ndër to më i veçanti ka mbetur ai i Sokratit tek “Apollogjia e fundit e Sokratit”. Që prej vitit 2014 mbante titullin e lartë “Nderi i Kombit”, më parë kishte titujt “Artist i Merituar” dhe “Mjeshtër i Madh i Punës”.
Disa herë në rrjetet sociale, mediat kanë nxjerrë lajmin e rremë të vdekjes së aktorit, të cilat ai i menaxhoi me plot sportivitet.
Filmografia
* Kronikë provinciale (2009)
* Ne dhe Lenini (2008)
* Nata (1998)
* Edhe ashtu edhe kështu (1989)…. Babai i Almës
Binarët (film) (1987)
* Telefoni i një mëngjesi (1987)….Kujtimi
* Zëvendësi i grave (1987)……… Lisimak Voci
* Nxënësit e klasës sime (1984)..Mësues Nardi
* Kohë e largët (1983) ………Asketi Lithan
* Dora e ngrohtë (1983) ………Brahushi
* Shoqja nga fshati (1980) ………Nasi (dajua i Tirkes)
* Një ndodhi në port (1980) ……….Calamani
* Gëzhoja e Vjetër (1980) ………Bake
* Radiostacioni (1979) ……Një nga tekniket e Radios
* Koncert në vitin 1936 (1978)… Toger Shazivari
* Zani partizani (1976) (TV)….Partizan-vëlla i Zanit
* Emblema e dikurshme (1976) ……..Veniamin Papa
j.l./ dita
Toger Shazivari ishte njesh! RIP!
Nuk ju vjen turp? Nje aktor te jashtezakonshem, qe rralle vjen, e quani thjesht aktori i njohur?! Keni quajtur aktore te medhenj, aktor medioker dhe per kete gjeni te aktrimit, perdorni kete epitet modest?
Te me falin, familja, miqte dhe te dashurit e Mirushit tone, se ai eshte dhe do te mbetet i te gjitheve, qe e fillova kete koment keshtu, por nuk mundesha. Nje lajm shume i hidhur qe me merziti pa mase. Ngushellimet me te perzemerta per humbjen tuaj te thelle. Ju lutem vendosni edhe nje kurore apo buqete me lule ne emrin tone, qe jemi larg Shqiperise, dhe besoj se me kerkesen time bashkohen edhe mijera bashkeatdhetare, qe e donim dhe na ka dhuruar nje buzeqeshje, edhe ne kohet me te veshtira.
… e drejte Toni, bashkohem me ty.
Iku bishti i miut apo i qenit, s’me kujtohet…