Policia peruane ka zbuluar dhe sekuestruar një mumie para-hispanike “600-800 vjeçare” në çantën termike të një shpërndarësi ushqimesh. 26-vjeçari Julio Cesar Bermejo i cili u vendos në paraburgim deklaroi se e ka mbajtur në shtëpi për më shumë se 30 vjet.
Ai tha se e mbante mumien e lashtë në dhomën e tij dhe e konsideronte atë “një lloj dashurie shpirtërore” dhe e kishte pagëzuar “Juanita”. Sipas tij, mumia ishte në pronësi të babait të tij, por pa specifikuar se si kishte ardhur ajo te babai i tij. Ai e kishte futur mumien në çantë për t’ua treguar miqve të tij
Ekspertët thanë se trupi i përkiste viteve 600 dhe 800 dhe ishte i një mashkulli të rritur dhe jo i një gruaje, siç kishte supozuar djali që e mbante. Mashkulli i mumifikuar vlerësohet të ketë qenë më shumë se 45 vjeç në kohën e vdekjes së tij dhe 1.51 m i gjatë.
Mumia ishte e mbështjellë me fasha në pozicionin e fetusit, i cili është tipik për shumë prej varrimeve parahispanike në zonë. Mumifikimi praktikohej nga një sërë kulturash në atë që tani është Peruja përpara ardhjes së pushtuesve spanjollë.
Disa mumie u varrosën ndërsa të tjerat u nxorën jashtë dhe parakaluan gjatë festivaleve kryesore. Policia ia ka dorëzuar ministrisë së kulturës të Perusë, e cila kujdeset për trashëgiminë e vendit.
Burri që po transportonte dhe dy miqtë e tij, të cilët janë nga 23 deri në 26 vjeç, u arrestuan dhe po hetohen për krime të mundshme kundër trashëgimisë kulturore të Perusë.
m.b./dita
m.b./dita
