Dita e mërkurë u shpall ditë zie në Kosovë në shenjë solidariteti me jetët e humbura nga tërmetet në Turqi. Mbrëmjen e sotme, ndërtesa e Qeverisë së Kosovës është ndriçuar me flamurin e Turqisë.
Përmes një postimi në Facebook, Qeveria ka shkruar se dita e sotme në Kosovë është ditë zie shtetërore. “Dita e sotme në Kosovë është ditë zie shtetërore.
Në nder të viktimave të tërmetit shkatërrues, ndërtesa e Qeverisë sonte u ndriçua me flamurin e Turqisë. Lutemi për shëndetin e të lënduarve dhe i qëndrojmë pranë popullit dhe shtetit turk”, thuhet në njoftim.
m.b./dita
