Babai i Aleks Nikës, një prej 4 viktimavet të tragjedisë së 21 janarit 2011, ka parë për herë të parë provat që tregojnë se kush urdhëroi vrasjen e të birit.
Pas publikimit të komunikimit në radio pasditen e 21 Janarit nga gazetari Artan Hoxha, babai i Aleks Nikës ka marrë në duar nga gazetari audiokasetën.
Në kasetat që ka siguruar, gazetari Hoxha thotë se është komunikimi mes drejtuesve të gardës që kanë dhënë urdhër për të qëlluar drejt protestuesve, por komunikimi nuk është publikuar për të mos ndikuar hetimet.
Pasi ka publikuar një foto ku duket babai i Aleks Nikës që dëgjon komunikimin e gardistëve para vrasjes së djalit të tij, Hoxha shkruan:
“Babai i Aleks Nikes, Ndue Nika, duke degjuar në diktofon urdherat e drejtuesve të Gardes, qe çuan në vrasjet e protestuesve me 21 janar 2011.
Disa dite pare, me shkova në shtepine e Aleks Nikes, në Lezhe, ku babai, nena, bashkeshortja dhe dy vajzat e tij, presin ende nje pergjigje për skuadren e pushkatimit në bulevardin “Deshmoret e Kombit” ka shkruar Hoxha që pritet të zhvillojë një bisedë tjetër në televizion në lidhje me këtë zbulim.
