Një ngjarje e rëndë është regjistruar këtë të mërkurë në qytetin e Gjirokastrës. Sipas raportimeve paraprake, një 15-vjeçar ka humbur jetën pasi është mbytur në një pishinë. Ngjarja ka ndodhur rreth orës 10:00, në fshatin Mashkullorë, në një kompleks pushimi.
Mësohet se i mituri është A.P., 15 vjeç, i cili ishte hedhur për t’u larë dhe më pas ka ndërruar jetë, pasi ka pësuar infarkt. Pas ngjarjes së rëndë, janë shoqëruar në polici disa persona.
Ndërkohë, policia ndodhet në vendngjarje për zbardhjen e plotë të ngjarjes.
“Rreth orës 10:00, në fshatin Mashkullorë, në një kompleks pushimi, një 15-vjeçar dyshohet se ka pësuar infarkt duke u larë në pishinë dhe për pasojë ka humbur jetën.
Grupi hetimor vijon punën për dokumentimin e plotë të rrethanave të rastit”, thuhet në njoftimin e policisë.
j.l./ dita
