Një ngjarje e rëndë ka ndodhur në Mirditë, ku një person është gjetur i pajetë brenda automjetit të tij.
Vikima është identifikuar si Valter Lleshi, rreth 45 vjeç.
Dyshohet se Lleshi është vrarë me armë zjarri në automjetin e tij, ndërsa trupi i pajetë është gjetur mëngjesin e sotëm, në makinën e tij tip “Toyota” në fshati Shkorret.
Sipas informacioneve paraprake bëhet me dije se viktima është punonjës i kompanisë së bazaltit në Spaç.
Në mars të këtij viti, kësaj kompanie i ishte vendosur një sasi tritoli në një prej makinerive, e cila nuk kishte shpërthyer.
Ende nuk dihen shkaqet dhe rrethanat e ngjarjes, ndërsa policia po heton më shumë mbi të.
Viktima dyshohet se është autori i vrasjes së Anton Kelit, në vitin 2020 i cili punonte si taksist në Rrëshen.
Njoftimi i Policisë:
Mirditë/Informacion paraprak
Rreth orës 07:10, në fshatin Shkorret, Mirditë, në aksin rrugor Reps–Spaç, është gjetur në automjet, dyshohet i vrarë me armë zjarri, shtetasi V. Ll., rreth 45 vjeç.
Menjëherë pas marrjes së njoftimit, shërbimet e Policisë kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/ve.
Ndërkohë, është ngritur një grup i posaçëm hetimor dhe, nën drejtimin e Prokurorisë, po punon intensivisht për fiksimin dhe administrimin e çdo prove që do t’i shërbejë hetimit, me qëllim zbardhjen e plotë të ngjarjes, dokumentimin ligjor të saj, si dhe identifikimin dhe kapjen e autorit/autorëve.
j.l./ dita
