Foshnja që solli në jetë Khadija nuk ka ende një emër, por shtëpia e saj është një tendë buzë rruge.
Ajo lindi vetëm disa minuta pas tërmetit vdekjeprurës që tronditi Marokun mbrëmjen e së premtes (8 shtator) ku kanë humbur jetën mbi 2100 njerëz.
Nëna solli në jetë foshnjën në maternitetin në Marrakesh, por iu kërkua që të largoheshin vetëm 3 orë pas lindjes së vajzës për shkak se ndërtesa u evakuua.
“Ata na thanë se duhej të shkonim për shkak të frikës nga pasgoditjet”, tha ajo.
Me të porsalindurin e tyre, Khadija dhe burri i saj morën një taksi për të shkuar në shtëpinë e tyre në Taddart në malet e Atlasit.
Por gjatë rrugës konstatuan se rrugët ishin të bllokuara nga rrëshqitjet e dheut dhe arritën vetëm deri në fshatin Asni.
Familja që nga ajo kohë jeton në një tendë buzë rrugës kryesore.
“Nuk kam marrë asnjë ndihmë nga autoritetet”, tha ajo, duke mbajtur fëmijën e saj ndërsa ishte strehuar nga dielli nën një copë pëlhure gome të dobët.
“Ne i kemi kërkuar disa njerëzve në këtë fshat batanije që të kemi diçka për të na mbuluar. Ne kemi vetëm Zotin”, shtoi ajo.
j.l./ dita
