Egnatia shkruan historinë dhe merr trofeun e parë si ekip profesionist, Kupfeun e parë si ekip profesionist, Kupën e Shqipërisë. Një penallti shkatërroi ëndrrën e Tiranës në shtesën e dytë, teksa bardheblutë firmosin ‘javën e ferrit’, duke humbur pas kampionatit një tjetër trofe, i lehtë në letër dhe që do sjellë shumë trazira në merkato.
Episodet e ndeshjes ishin disa, por penalltia vendosi gjithçka, teksa rrogozhinasve iu anulua edhe një gol me VAR në minutën e 77-të.
Bardheblutë mbetën me një lojtar më pak. Enea Jorgji i tregon kartonin e kuq Elvi Berishës në minutën e 25-të, pas një ndërhyrje të gabuar të këtij të fundit. Dwamena gjeti golin për rrogozhinasit, pas asistit të Kasës, por VAR ndërhyu dhe akordoi pozicion jashtë loje. 90 minuta u mbyllën 0-0 dhe ndeshja kaloi në shtesë.
Teksa në minutën e 114, Ardit Hila ndërhyn keq te kundërshtari në zonë, me Jorgjin që akordon 11 metërsh. Jackson shënoi nga penalltia, me Likën që në fillim ndali goditjen e brazilianit, por jo mjaftueshëm…
Një mbyllje e keqe e sezonit nga Tirana, që pasi e humbi titullin kampion në javën e fundit, dështon edhe në finalen e Kupës, sigurisht edhe si rrjedhojë e dënimeve të shumë futbollisti nga Komisioni i Disiplinës.
Tirana ishte më kërkuese që në fillim të lojës, por nuk e shfrytëzoi si duhet rastin më të mirë që iu paraqit në minutën e 13-të, me Hilën që “ledhatoi” pjesën e jashtme të shtyllës. Pretendojnë për penallti lojtarët e Tiranës rreth 15 minuta pas nisjes së pjesës së dytë, pas prekjes së topit me dorë nga Zejnullai. Jorgji pret konfirmimin nga sistemi VAR dhe vijon lojën. Shtylla shpëton bardheblutë ne minutën e 61-të. Jackson depërton nga e majta, kalon dhe Likën, por top rrok shtyllën. Pjesa tjetër mbeti histori…
