Eksperti i energjetikës, Azmer Duleviç tha në “Good Morning Albanians” se ngrohëset e vogla elektrike, konsumojnë më shumë energji se sa kondicioneri.
Kjo sipas tij, vjen pasi kondicioneri pasi arrin temperaturën e caktuar të dhomës fillon të ulë xhirot, gjë që nuk ndodh me ngrohëset e vogla, të cilat vazhdojnë të punojnë me të njëjtën fuqi.
“Ngrohësja e vogël rri me të njëjtën temperaturë gjatë gjithë kohës, ndërsa kondicioneri nuk është gjatë gjithë kohës në maksimum, sepse është inverte.
Në momentin që arrin temperaturën e dhomës, ai ul xhirot. Punon me xhiro të avashta dhe si rrjedhojë konsumi i energjisë është më i ulët, mund të jetë 40% më pak se një ngrohës apo reflektor elektrik që e përdorin qytetarët”, tha Duleviç.
j.l./ dita
