Këngëtari dhe aktori Aaron Carter vdiq më 5 nëntor 2022, pasi u mbyt “aksidentalisht” në vaskën e tij, pak pasi thithi një gaz të ndezshëm, të pranishëm në bombolat e ajrit të kompresuar (droga e re për të rinjtë e varur), zbuloi Departamenti i Mjekësisë Ligjore në Qarkun e Los Anxhelosit (Kaliforni). Autopsia e vëllait të Nick Carter, një anëtar i grupit të famshëm ‘Backstreet Boys’, tregoi se përveç thithjes së këtij përbërësi kimik, të quajtur ‘difluoroetan’, ai gëlltiste edhe ‘alprazolam’, një qetësues për trajtimin e çrregullimeve të tilla si ankthi.
Raporti i autopsisë zbuloi gjithashtu se trupi i Carter (34 vjeç) nuk tregoi trauma “kërcënuese për jetën” kur u gjet në banjën e shtëpisë së tij, që ndodhet në qytetin kalifornian të Lancaster, në Los Angeles County.
