EMRAT: “Sky ECC” zbardh vrasjet e bujshme, disa të arrestuar, të tjerë në kërkim

Prokuroria e Posaçme lëshoi ditën e djeshme rreth 50 urdhër arreste për kapjen e disa personave të botës së krimit pas zbërthimit të bisedave në aplikacionin “Sky ECC”.

Me urdhër të SPAK, forcat RENEA dhe FNSH zhvilluan një nga aksionet më të mëdha në disa qytete dhe zonat e tyre përreth. Kontrollet u shtrinë në disa qytete dhe zona si, Tiranë, Vlorë, Lezhë, Fushë-Krujë, Nikël, Kurbin etj.

Urdhër arreste u lëshuan edhe për vëllezërit, Astrit dhe Altin Avdylaj dhe Durim e Valter Bami. Dy të fundit dyshohet se ndodhen në Dubai, ndërsa janë ushtruar kontrolle në banesat e tyre në Nikël.

Kontrollet janë shtrirë edhe në zonën e Freskut në Tiranë, konkretisht në banesat e vëllezërve Duka, Erlis dhe Leonard Duka, të njohur si armiqtë e Ervis Martinaj, ish-bosi i lojërave të fatit i cili konsiderohet i zhdukur që nga data 8 gusht e vitit 2022. Mes listës së urdhër arresteve është edhe ish-deputeti i PS, Arben Ndoka, i cili është shpallur në kërkim.

Po ashtu Prokuroria e Posaçme ka lëshuar dje urdhër arreste për 3 efektivët e Policisë së Shtetit në kuadër të operacionit të sotëm. Bashkë me Erigert Mitrin, i cili më herët ka mbajtur pozicionin si drejtues i Policisë Lezhë dhe Klodian Jasharin, është edhe emri i Altin Morinës, ish-efektiv i RENEA-s. SPAK mësohet se ka lëshuar urdhër arrest edhe për Lulzim Berishën, i njohur ndryshe edhe si Lul Berisha.

Urdhër arreste janë lëshuar për:

1-Leonard Duka arrestuar në Belgjikë pret ekstradimin për vrasjen e Santiago Malkos,

2-Erlis Duka në kërkim ende për vrasjen e Santiago Malkos,

3-Fatmir Hyseni alias Doçja në kërkim për vrasjen e Santiago Malkos dhe atentatin ndaj Inez Hajrullës,

4-Arben Ndoka në kërkim ish-deputet ndodhet në Dubai prej më shumë se një viti më parë, i përmendur në dosjen “Metamorfoza”,

5-Xhevi Ndoka vëllai i Arben Ndokës arrestuar më herët për pronat komunikuar masa në burg,

6- Samuel Ndoka nipi i Arben Ndokës,

7- Armando Ndreca vëllai i deputetit Eduard Ndreca i arrestuar para disa javësh për kultivim droge në një stan në Lezhë, por brenda dy ditëve u la i lirë nga Gjykata,

8-Elvis Ndreca djali xhaxhait të deputetit Eduard Ndreca,

9- Astrit Avdylaj në kërkim, për sigurim kushtesh për të kryer vrasje,

10-Aldo Avdylaj nipi i Astritit, sigurim kushtesh për të kryer vrasje,

11-Albert Zaja arrestuar në 2021 për vrasjen e Shkëlzen Kastratit, komunikuar masa në burg,

12- Durim Bami në kërkim i strehuar në Dubai, sigurim kushtesh për të vrarë Marklen Hakën,

13-Naim Stafuka siguroi kushte për të vrarë Marklen Hakën,

14-Marklen Haka disa herë i lakuar si i përfshirë në ngjarje kriminale,

15-Santilo Basho i skeduar më herët, vëllai i Tesi Bashos i skeduar gjithashtu dhe i arratisur nga burgu, masa i është komunikuar në burg,

16-Plaurent Dervishaj kunati i Lul Berishës, në kërkim si pjesë e bandës së Durrësit, gjykohet për vrasjet e 2005 ndaj Vajdin Lames e Klodian Saliut,

17-Lulzim Berisha i arrestuar në Spanjë pjesë e grupit të Durrësit, akuzuar për vrasjet Vajdin Lames e Klodian Saliut, gjykohet në mungesë,

18-Viktor Imeri në burg për vrasjen e Klodian Saliut e Vajdin Lames, iu komunikua masa në burg,

19- Endrit Dokle ish-anëtar i bandës së Durrësit,

20- Ervis Doçi njohur si “Visi i Pojës”,

21-Denis Meta kapet në Spanjë,

22-Arjan Tuku kapet në Itali,

23-Mir Bruli kushëri i Pëllumb Gjokës, biznesmen i njohur në Velipojë,

24- Henrigert Mitri, ish-drejtues i Policisë Lezhë,

25-Klodian Shahini ish-punonjës policie kufitare,

26-Altin Morina ish-efektiv i RENEA-s, arrestuar rreth dy vite më parë me 113 mijë euro në makinë, i liruar nga qelia.

j.l./ dita