Policia ka arrestuart dy persona, Daniel Qose dhe David Larti, të cilët dyshohen se ndihmuan Gerald Shehun për të fshehur trupin e pajetë të 31-vjeçarit Eraldo Nevruzi.
Sipas hetimeve të kryera, rezulton se Gerald Shehu, pasi ka vrarë me armë zjarri Eraldo Nevruzin, është ndihmuar për të fshehur trupin, nga 2 punonjësit e hotelit të tij.
Nga këqyrja e banesës ku qëndronte shtetasi Shehu, në një kasafortë në dhomën e gjumit, shërbimet e Policisë gjetën 1 fishek arme zjarri, me kapsollë të goditur, i cili u dërgua në Institutin e Policisë Shkencore, për ekzaminim.
Në funksion të hetimeve të thelluara u fiksuan dhe u morën për ekzaminime të mëtejshme, sende dhe mjete të tjera të cilat dyshohet se janë përdorur në këtë ngjarje.
Personi që shihni në foto është David Larti, një nga punonjësit e Gerald Shehut, që e ndihmuan në fshehjen e trupit të 31-vjeçarit Eraldo Nevruzi.
Larti ushtronte profesionin e kuzhinierit. Ai ka punuar në restorante në Tiranë dhe për sezoni veror kishte vendosur të punonte në zonën e Himarës.
Ndërsa ky më poshtë është Daniel Qose. Larti dhe Qose janë të dy shtetas nga Korça.
Dy personat e arrestuar paraditen e kësaj të premteje Daniel Qose dhe David Larti, punonjës të hotelit, i kanë dhënë ndihmë autorit për futjen e trupit në makinë.
Ata e kanë ndihmuar duke i dhënë edhe nje qese për të mbeshtjellë trupin.
j.l./ dita
