Arma e zjarrit ka krisur mesditën e sotme në Shkodër. Mësohet se nga krisja e armës ka mbetur një person i vdekur. Ngjarja e rëndë ka ndodhur në zonën e Zdrales në rrugën ‘Isuf Sokoli’.
Autori e ka qëlluar viktimën me pistoletë nga një distancë e afërt dhe më pas është larguar nga vendngjarja. Autori pasi e ka vrarë është larguar nga vendngjarja me kembë.
Policia ka sjell detaje të reja në lidhje me vrasjen. Mësohet se viktima është 36-vjeçari Elis Roshkodoli, i cili është qëlluar me armë në një lokal. Ndërkohë që policia gjatë kontrollit në trupin e viktimës ka gjetur një armë tip pistoletë dhe një fishek në folje gati për qitje.
Njoftimi i Policisë:
Rreth orës 12:30, në lagjen “Ahmet Haxhia”, në një lokal, dyshohet se një shtetas i paidentifikuar ka vrarë me armë zjarri shtetasin E. Rr., rreth 36 vjeç, banues në Shkodër. Me marrjen e njoftimit, kanë shkuar menjëherë në vendngjarje, shërbimet e Drejtorisë Vendore të Policisë Shkodër dhe drejtuesit e Drejtorisë dhe të Komisariatit të Policisë Shkodër.
Në ndihmë të Policisë Vendore kanë shkuar dhe dy grupe të Forcës Kombëtare të Sigurisë, Njësia Shkodër dhe janë vënë në ndjekje të autorit. Gjithashtu është ngritur një grup hetimor i cili ndodhet në vendngjarje dhe po vijon punën intensive në bashkëpunim me Prokurorinë, për sigurimin e provave për dokumentimin ligor të kësaj ngjarjeje. Nga veprimet paraprake në vendin e ngjarjes, grupi hetimor ka gjetur në çantën e dorës të 36-vjeçarit E. Rr., 1 armë zjarri pistoletë me fishekë në fole gati për qitje. Vijojnë veprimet dhe kontrollet intensive, për identifikimin dhe kapjen e autorit.
i.b./dita
