Është arrestuar nga uniformat blu, biznesmeni Gëzim Kajno, i cili 8 vite më parë qëlloi për vdekje klientin në lokalin e tij pas një sherri mes tyre.
39-vjeçari ishte dënuar nga Gjykata me 10 vite burg dhe i kishin mbetur për të vuajtuar edhe 4 vite burg për vrasjen e Asllan Kërtushës në qytetin e Durrësit më 2016.
“Ai është dënuar me 10 vjet burgim, për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit”, dënim nga i cili i kanë mbetur për të vuajtur 4 vjet”, njoftoi Policia.
Njoftimi i Policisë:
Autor i një vrasjeje me armë zjarri, të kryer në vitin 2016, ndalohet 39-vjeçari i shpallur në kërkim, i dënuar me 10 vjet burgim.
Nga ky dënim, 39-vjeçarit i kanë mbetur për të vuajtur 4 vjet burgim.
Në zbatim të planit të masave, të hartuar në kuadër të megaoperacionit mbarëkombëtar të koduar “Sundimi i ligjit”, shërbimet e Drejtorisë Vendore të Policisë Durrës bënë ekzekutimin e vendimit të Gjykatës së Lartë, dhënë më datë 17.10.2023, për ndalimin e shtetasit Gëzim Kajno, 39 vjeç.
Ai është dënuar me 10 vjet burgim, për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit”, dënim nga i cili i kanë mbetur për të vuajtur 4 vjet.
Më datë 01.03.2016, në lagjen nr. 17, Durrës, 39-vjeçari ka vrarë me armë zjarri, shtetasin A. K..
Shtetasi Gëzim Kajno iu dorëzua Drejtorisë së Përgjithshme të Burgjeve, për veprime të mëtejshme procedurale.
Video e vrasjes në 2016 e publikuar në Tch:
j.l./ dita
Nuk kuptoj se perse do beje vetem 4 vjet burg ,kur eshte kapur pas 6 viteve . Ky nuk ka kryer burgun, keshtu qe duhet te beje te plote denimin nga dita e arrestimit ,domethene Mars2024deri ne Mars 2034.