Turqia akuzon Suedinë se ka thyer premtimet e saj, pasi një manekin i cili i ngjasonte presidentit Erdogan u var me kokë poshtë jashtë Bashkisë së Stokholmit.
“Ky është sabotim kundër kërkesës suedeze dhe finlandeze për t’u bërë anëtarë të NATO-s. Duan që të parandalohet anëtarësimi. Unë e kuptoj indinjatën e Turqisë. Ne do të kishim shfaqur të njëjtin zemërim nëse do të kishte ndodhur në një vend tjetër kundër një politikani suedez”, u shpreh Ulf Kristersson, kryeministër i Suedisë.
Aksioni dyshohet se u krye nga Komitetet e Rojava, “një rrjet për solidaritet dhe shkëmbim me lëvizjen revolucionare në të gjithë Kurdistanin”.
Zëdhënësi i presidentit Erdogan, shkroi në Twitter se “kjo është dëshmi se autoritetet suedeze nuk kanë ndërmarrë hapat e nevojshëm kundër terrorizmit, siç pretendojnë”.
Ai gjithashtu shkroi se Suedia duhet të mbajë premtimet e saj për t’u anëtarësuar në NATO. Ambasadori i Suedisë në Ankara u thirr për bisedime, por ajo çka u diskutua mbeti e paqartë.
o.j/dita
Erdogan eshte ngaterrestar. Ka zhvilluar Unin e tij ne Turqi dhe po kerkon ta imponoje ne gjithe boten. Ne te vertete eshte nje kokerr orizi si gjithe te tjeret. Kjo kuptohet diten e neserme kur keta diktatore nuk jane më ne pushtet.
Osmanllinj me Sulltan Erdoan