Veliaj rikthehet në GJKKO, Apeli drejt shpalljes së vendimit

Erion Veliaj rikthehet me pranga në duar në GJKKO, ku Apeli pritet të shpallë vendimin për ndryshimin ose jo të masës së sigurisë arrest me burg.

Gjykata e Apelit ka shtyrë për sot dhënien e vendimit për Erion Veliajn dhe biznesmenët Elman Abule, Shkëlqim Fusha, Gentian Sula dhe Meriman Palushi, të cilët kërkojnë gjithashtu ndryshimin e masës së sigurisë.

Vendimi pritet të jepet pas orës 12:30.

Shtyrja e seancës është bërë për shkak se avokatët kanë kërkuar kohë që të njihen me provat e reja, të paraqitura në seancën e djeshme nga prokurorët e çështjes, Ols Dado dhe Altin Dumani.

Sipas mediave që raportojnë rregullisht provat sekrete të SPAK, Veliaj është përgjuar në qeli, por ense nuk dihet saktësisht për çfarë bëhet fjalë.

Ndërkohë, mësohet se vetë Veliaj ende nuk ka parashtruar argumentet e tij para togave të zeza.

j.l./ dita