Shqipëria është e katërta në Europë dhe e para në rajon për numrin e të burgosurve në raport me popullsinë. Sipas Eurostat, vendi ynë pati 182 të burgosur për 100 mijë banorë në vitin 2023, ndërkohë që mesatarja e BE-së ishte 111.
Në vend të parë renditet Turqia me 342 të burgosur për 100 mijë banorë, pasuar nga Polonia dhe Hungaria. Sipas Eurostat, në vitin 2023 Shqipëria regjistroi 5017 të burgosur, 125 prej të cilëve rezultojnë të huaj.
Ndërsa të ndarë sipas gjinisë 4 919 ishin meshkuj dhe 76 femra.
Në krahasim me rajonin, Shqipëria është në krye të listës me normën më të lartë të të burgosurve për numër popullsie, duke u pasuar më tej nga Serbia dhe Mali i ZI.
Vendi ynë është po ashtu në mesin e shteteve me qeli të mbipopulluara.
