Shpërthimi i nëndetëses “Titan” të kompanisë “Ocean Gate” në thellësinë maksimale të Titanikut, ka hapur 5 varre, por edhe debate të forta mbi sigurinë teknologjike. Siç raportohet në disa media ndërkombëtare dhe referuar ekspertëve mbi këtë temë, heqja dorë nga përgjegjësia e nënshkruar nga pasagjerët e Titan, mund të mos mbrojë ligjërisht pronarët e anijes.
Me fjalë të tjera, familjet e viktimave të aksidentit, mund të padisin ‘OceanGate’ për gjithçka që ndodhi gjatë zhytjes së zhytësit.
Sipas ish-pasagjerëve që paguanin 250 mijë dollarë ‘për vdekjen’ në fund të oqeanit, duhet të nënshkruaje një kontratë, me pika ku përfshihej edhe aksidenti në rrethana të ndryshme dhe vdekja. Por shpërthimi lë një derë juridike edhe për familjen e viktimave, që të kërkojnë dëmshpërblim dhe hetim, pasi faji mund të jetë i kompanisë.
