Shefi i Qarkullimit Rrugor në Lezhë, Ismet Sula, është pezulluar nga detyra me vendim gjykate, ndërsa edhe struktura drejtuese e Drejtorisë Vendore të Policisë Lezhë është vënë në hetim nga prokuroria.
Vendimi është marrë nga Gjykata e Lezhës me kërkesë të prokurorit Sabri Kastrati, e cila ka nisur hetimet në lidhje me një aksident të ndodhur pak javë më parë në superstran Lezhë-Laç, pranë fshatit Gajush, ku sipas burimeve është përfshirë në aksident djali i ish-deputetit Tom Doshi, James Doshi.
Teksa po lëvizte me makinë, ai ka përplasur një automjet ku lëviznin një çift bashkëshortësh.
Nga hetimet ka rezultuar se djali i Doshit ka qenë fajtor, por është favorizuar nga policia, e cila nuk ka kryer veprimet konform ligjit, duke e lejuar që të marrë automjetin dhe të largohet.
Në lidhje me këtë çështje organi i akuzës është vënë në lëvizje, duke regjistruar procedim penal për “shpërdorim detyre”.
Krahas shefit të Qarkullimit Rrugor, Ismet Sula, i cili u pezullua nga detyra, prokuroria po heton edhe drejtuesit e policisë Lezhë për të parë nga kush është dhënë urdhri për të mos kryer veprimet konform ligjit.
Në funksion të këtij hetimi, organi i akuzës pritet të zbardhë tabulatet telefonike mes drejtuesve dhe oficerëve të policisë për të zbardhur rolin dhe veprimet e tyre për këtë çështje, e më pas do të vendoset nëse çështja do ti kalojë për kompetencë SPAK, apo do të mbetet në Lezhë.
j.l./ dita
Mafiozi Tom Doshi eshte mbrapa pjeses me te madhe te aferave te ndodhura nen qeverisjen e Rilindjes. Sidomos aferat ne shendetsi, ndertim, dhe ne nje sere biznesesh te tjera ku nevojitet dora e qeverise. Ky person eshte shpallur non grata nga qeveria e Australise, ku ky ka qene edhe nenshtetas apo kandidat per nenshtetesi. Duke qene nje nga miqte me te ngushte e me te afert te Edi Rames, Tom Doshit nuk i hyn asnje gjemb ne kembe…
Ketij djaloshi,polici rrugor qe nuk e ka proceduar nuk I ka bere nder por perkundrazi I ka dhene leje te shkoje te takoje shen Pjetrin.
Tom Doshi ne do te birin gjalle duhet te bashkohet me policet qe denojne te birin .
A e di malesori Tom Doshi ate shprehjen e vjeter qe perdornin burrat dikur,u rrit femija u dhi shpija,ishalla i bi ne mend se keq e ka,del ndonje hund lesh,lidhi qent Tom se ti lodhin dynjoja se sa per shtet aha gjith Lezhen e vrasin.
Ky prokurori qenka per medalje ari. Une nuk kam lene prokurori e gjykate e AMP e dronen e tyne pa u ankuar dhe perseri shefi i policise fitoi mbi te drejten time. Gezohem qe po vjen koha e ndeshkimit