Një trup i zjarrtë qiellor ka kaluar pak më parë mbi zonën e rivierës shqiptare, duke impresionuar shumë pushues dhe vizitorë.
Objekti që me gjasa është një meteor është parë veçanërisht qartë mbi plazhin e Dhërmiut nga ku vjen edhe kjo foto e dërguar në DITA.
Meteoroidet janë trupa më të vegjël se asteroidet, dhe shkojnë në madhësi nga kokrra të vogla deri tek objektet me një metër të gjerë. Në fakt NASA e kishte lajmëruar se sot (28 qershor), do të kalonte afër tokës një asteroid, i quajtur 2013 WV44, me madhësinë e një autobusi apo kulle të vogël, por nuk njoftonte përplasje apo dëme.
Shumica janë fragmente nga kometat ose asteroidet. Kur një meteoroid, kometë ose asteroid hyn në atmosferën e Tokës me një shpejtësi tipike më të madhe se 20 kilometra për second (72,000 km/h; 45,000 mph), nxehtësia aerodinamike e këtij objekti prodhon një varg drite, si nga objekti i ndezur, ashtu edhe nga gjurmët e grimcave të ndezura që lë nga pas.
Ky fenomen nga populli quhet “yll me bisht”. Ai ofron spektakël qiellor kur të bie rasti ta shikosh, por bëhet i rrezikshëm nëse nuk shpërbëhet i gjithi në ajër. Në këtë rast përplaset në tokë dhe shkakton dëme të rënda.
Urojmë të mos jetë ky rasti…
n.s. / dita
