I njohur për vilat e tij joreale dhe rrokaqiejt imponues, tregu i banesave në Dubai është aktualisht një nga më dinamikët në planet. Çmimi mesatar i shitjes së vilave është rritur gjatë vitit të kaluar me 14% dhe apartamenteve me 11%, pasi mënyra e trajtimit të pandemisë nga qeveria dhe politika e saj e vilave tërheqin blerës të huaj.
Çmimet po rriten pasi rusët kërkojnë të mbrojnë pasurinë e tyre nga efektet e luftës, investitorët izraelitë, milionerët e kriptomonedhave dhe drejtuesit e fondeve mbrojtëse blejnë shtëpi në Dubai. Mes bumit të pronave, zhvilluesit janë në një konkurrencë joformale luksi dhe magjepsjeje, duke lançuar prona të tilla si një vilë në të ashtuquajturin “Beverly Hills of Dubai” që ka një pishinë dykatëshe.
Prona ndodhet në Emirates Hill, një komunitet i mbyllur me rezidenca të shtrenjta. Ka 10 dhoma gjumi dhe 13 banja dhe shitet për 95 milionë dollarë.
Rezidenca 3700 m2 përfshin një palestër private, dhomë muzikore të izoluar nga zëri dhe bodrum vere. Ajo gjithashtu ka një dhomë masazhi, sauna dhe bibliotekë.
Por pika më mbresëlënëse e saj është tarraca, e cila është e aksesueshme nëpërmjet një ure xhami dhe ka si pikë qendrore pishinën dykatëshe. Është, në thelb, një pishinë e tejmbushur që ndodhet mbi një pishinë tjetër, në nivelin e tokës.
o.j/dita
