Publikohen për herë të parë pamjet nga momenti kur Shtëpia e Bardhë ndjek hap pas hapi aksionin për vrasjen e Osama bin Ladenit më 1 maj 2011.
Disa fotografi të sapo publikuara të qeverisë zbulojnë momente kyçe brenda Shtëpisë së Bardhë gjatë bastisjes së vitit 2011 në kompleksin e Osama bin Ladenit, duke përfshirë imazhe të zyrtarëve të lartë që shtrëngojnë duart pasi mësuan se Bin Laden ishte vrarë.
Nëpërmjet një kërkese të Ligjit për Lirinë e Informacionit drejtuar Bibliotekës Presidenciale të Obamës, Washington Post mori më shumë se 900 foto të bëra nga fotografët zyrtarë të Shtëpisë së Bardhë më 1 maj 2011. Më poshtë është një përzgjedhje prej 23 fotografish.
Më 1 maj, Shtëpia e Bardhë anuloi të gjitha turnetë publike – rreth orës 13:00, këshilltari për sigurinë kombëtare Tom Donilon, Sekretari i Mbrojtjes Robert Gates, këshilltari për sigurinë e vendit John Brennan, Sekretarja e Shtetit Hillary Clinton dhe të tjerë hynë në sallën e madhe të konferencave “Situation Room”.
Në orën 13:22, drejtori i CIA-s Leon Panetta dha urdhrin për të filluar operacionin.
Në pamundësi për t’u fokusuar në punë të tjera, presidenti dhe një grup i vogël të besuarish qendruan në dhomën e ngrënies të Zyrës Ovale.
o.j/dita
