Një ditë më parë, një pallat 10-katësh u përfshi nga flakët masive, duke lënë pas të shkrumbuar 4 apartamente.
Kur ka kaluar një ditë nga ngjarja e rëndë, sot në mëngjes një grup ekspertësh nga shërbimi zjarrfikës, Policia dhe Prokuroria kanë shkuar në vendin e ngjarjes.
Ekspertët kanë hyrë në ambientet e brendshme të pallatit me qëllim për të mbledhur prova materiale për të zbardhur shkakun e zjarrit.
Shkak i këtij zjarri mund të ketë qenë një shkëndije elektrike, por ende nuk është konfirmuar zyrtarisht.
Zjarri ra pasditen e djeshme pranë ish-Parkut të Autobusave në Tiranë, fillimisht në pjesën e pasme të pallatit në katin e dytë dhe më pas flakët kanë përfshirë të gjithë katet deri në katin e fundit, i cili është djegur plotësisht. Flakët janë favorizuar edhe nga sistemi i veshjes dhe izolimit të pallatit. Për të fat të mirë nga flakët nuk pati rrezik për banorët, pasi ata u evakuuan nga pallati.
j.l./ dita
