Pas tragjedisë së 6 shkurtit si pasojë e tërmeteve të fuqishme që goditën Turqinë dhe Sirinë, është shtuar paniku në Shqipëri për rrezikun e një situate të tillë dhe tek ne.
Por sizmologu veteran Shyqyri Aliaj, thotë se Shqipëria nuk është e rrezikuar të përballet me tërmete të së njëjtës ballë me atë që ndodhi sot në Turqi. “Më i fuqishmi tërmet që ka rënë në Shqipëri është ai i 15 prillit të vitit 1979 që goditi zonën kufitare Shqipëri-Mal i Zi.
Ky tërmet vlerësohet me magnitudë 7, rreth 9 ballë në sipërfaqe. Ky është tërmeti më i fuqishëm në Ballkanin Perëndimor. Çdo 100 vjet ndodhin tërmetet e mëdha.
Por Shqipëria nuk ka përse të ketë ndonjë shqetësim nga tërmeti në Turqi. Sepse do një kohë të madhe të akumulohet një energji kaq shumë e madhe në këto vatra”, u shpreh sizmologu Aliaj.
m.b./dita
