Ishulli Kerpe në Greqi ka ruajtur strukturën e tij matriarkale për shumë vite. Në fshat, gruaja si përcaktuese e jetës, ka role dominuese në ceremonitë fetare, strukturën familjare dhe madje edhe në menaxhimin e bizneseve.
Në një botë ku ka patriarkat në përgjithësi, një shoqëri matriarkale është jashtëzakonisht e rrallë. Olimpi, një fshat i qetë në ishullin Kerpe në Greqi, shtrihet midis dy maleve.
Deri në vitet 1980 ishte pothuajse e pamundur të arrije në këtë fshat, por sot aty jetojnë edhe shumë emigrantë.
Gratë në këtë fshat drejtojnë të gjitha kuzhinat. Jo vetëm në shtëpitë e tyre, por edhe në restorante publike. Përveç kësaj, ndërsa gratë veshin rroba tradicionale për ceremonitë fetare, burrat mund të marrin pjesë në ceremoni me rrobat e tyre të përditshme.
Gratë janë guri i themelit të familjes. Jetesa e familjes dhe transmetimi i traditave janë tërësisht nën përgjegjësinë e tyre. Në fshat, pas vdekjes së një nëne, trashëgimia e saj kalon te vajza e saj e madhe. Kjo është një traditë nga koha bizantine dhe sistemi ruhet ende si i tillë.
Ndërsa në pjesën tjetër të botës është më e zakonshme që gratë shpërngulen te burrat e tyre kur martohen, situata në këtë fshat është e kundërta. Në rast martese, burrat shkojnë te gratë.
Gratë e fshatit i drejtohen njëra-tjetrës duke përdorur emrat e vajzërisë, jo emrat e burrave.
Sipas banorëve, kjo strukturë matriarkale në fshat u shfaq dikur për shkak të kushteve të detyrueshme kur të gjithë burrat u nisën për në luftë dhe braktisën fshatin, duke i lënë gratë të vetme.
o.p. / dita
Po cfare fshatit eshte ky ? Kjo eshte nje qyteze e mrekullueshme . Parajse .
Në Greqi tubime të tilla si nëtë rast quhen fshat