AktualitetKronike

Furgonët me 15 klandestinë karambolohen në Këlcyrë gjatë ndjekjes policore, 2 të plagosur

Një aksident ka ndodhur mbrëmjen e sotme, në hyrje të qytetit të Këlcyrës. Mësohet se janë përplasur dy furgona, që po transportonin klandestinë që po ndiqeshin nga policia.

Të paktën 15 emigrantë të paligjshëm u gjetën në mjete, nga Lindja e Mesme, që kishin hyrë ilegalisht nga Pika e Kalimit Kufitar të Tri Urave në Përmet. Si pasojë e përplasjes së tyre, dy persona janë plagosur, njëri raportohet në gjendje të rëndë dhe u dërguan në spital.

Ndërkohë, dy shoferët e furgonave janë arrestuar dhe klandestinët janë shoqëruar në Komisariatin e Gjirokastrës.

 

Shpërndaje këtë artikull